The Cooper of Fife

There was a wee cooper who lived in Fife,
Nickity, nackity, noo, noo, noo
And he has gotten a gentle wife.
Hey Willie Wallacky, how John Dougall,
Alane, quo Rushety, roue, roue, roue.

She wadna bake, nor she wadna brew,
Nickity, nackity, noo, noo, noo
For the spoiling o' her comely hue.
Hey Willie Wallacky, how John Dougall,
Alane, quo Rushety, roue, roue, roue.

She wadna card, nor she wadna spin,
Nickity, nackity, noo, noo, noo
For the shaming o' her gentle kin.
Hey Willie Wallacky, how John Dougall,
Alane, quo Rushety, roue, roue, roue.

She wadna wash, nor she wadna wring,
Nickity, nackity, noo, noo, noo
For the spoiling o' her gouden ring.
Hey Willie Wallacky, how John Dougall,
Alane, quo Rushety, roue, roue, roue.

The cooper's awa to his woo-pack,
Nickity, nackity, noo, noo, noo
And has laid a sheep-skin on his wife's back.
Hey Willie Wallacky, how John Dougall,
Alane, quo Rushety, roue, roue, roue.

'It's I'll no thrash ye, for your proud kin,'
Nickity, nackity, noo, noo, noo
'But I will thrash my ain sheep-skin.'
Hey Willie Wallacky, how John Dougall,
Alane, quo Rushety, roue, roue, roue.

'Oh, I will bake, and I will brew,'
Nickity, nackity, noo, noo, noo
'And never mair think on my comely hue.'
Hey Willie Wallacky, how John Dougall,
Alane, quo Rushety, roue, roue, roue.

'Oh, I will card, and I will spin,'
Nickity, nackity, noo, noo, noo
'And never mair think on my gentle kin.'
Hey Willie Wallacky, how John Dougall,
Alane, quo Rushety, roue, roue, roue.

'Oh, I will wash, and I will wring,'
Nickity, nackity, noo, noo, noo
'And never mair think on my gouden ring.'
Hey Willie Wallacky, how John Dougall,
Alane, quo Rushety, roue, roue, roue.

A' ye wha hae gotten a gentle wife
Nickity, nackity, noo, noo, noo
Send ye for the wee cooper o' Fife.
Hey Willie Wallacky, how John Dougall,
Alane, quo Rushety, roue, roue, roue.