A Tisket, A Tasket. (Letters in a casket) ©

Lizzy wis reluctant tae have Mary in her court
Unless she was clear o’ blame, o’ the “Darnley” blunder
She imprisoned oor Queen, in the creepy Carlisle Fort
Sayin’, ‘I’m no gonnae have her here, stealin’ my bloody thunder’

They had never ever met, exchanging letters by the dozens
Both respected ane another, an’ their status o’ regality
Never face tae face, they were hardly kissin’ cousins
An’ Mary’s health wis failin’, due tae lack o’ hospitality

Oan the move again, doon tae Tutbury Castle prison
Intae the haun’s o’ her jailers, the Earl o’ Shrewsbury an’ his wife
Further intae England, ‘cause rebellion had arisen
An’ Lizzy’s paranoia made her fearful for her life

Then Walsin’ham an’ Paulet, a couple o’ schemin’ plotters
Wi’ their spyin’ an’ their lyin’, like a couple o’ stinkin’ rotters
Concoctin’ the fraudulent, “Letters in a casket case”
Nearly turnin’ oor Mary, intae a bloody basket case