The time and date is:
9:12 pm Sunday, 17 December 2017
* Home

Sections
* Ballads
* Ballad Features
* Burns
* McGonagall
* Other Poetry
* Scottish Writers
* Scots Glossary

Poets
* Alphabetical List
* Featured List

Poems
* List of Topics

Songs
* Scottish Songs
* Modern Songs

Submissions
* Submit a Poem
* Submit a Song

Policies
* Copyright
* Permission
* Privacy
* Standards

Web Links
* Other Sites

Contact
* About Us
* E-mail Us

A Widdle on Mr. Riddell ©

(on receiving a rude rejection letter from the assistant editor of the Scotsman Newspaper)

Mark McKay
Bathgate, Scotland
2005

Yir bonnie gizz micht leuk ill-less,
But tent tae thy guid-dame.
The aiple wi’ the perfit skin’s
Been foostie jist the same.

An’ binna gie’s that sated gange,
Frae praisent seilie hichts.
The ill-aff joskin puir in siller,
Sleeps aft better nichts.

An’ shoud ye git abuin yersel !
Heidsman o’ wittins blad.
Jist mind the unco hichts ye sclim,
The fa’ll be muckle bad.

A seendle wissed a gadgie ill,
Twas niver in ma naitur.
A’d ne’er met the like o ye!
Ya coorse, ill-deedie craitur!

A pestilence tae tak yer hoose!
May nits infest yer oxters!
A rattan frae yer cludgie spring!
An’ aft times veesit doctors!

May skits cam hantle oot yer airse!
An’ plooks brierd on yer tadger!
May rochians mony a skelpin gie ye!
Y’ell no fecht back A’ll wager!

Ye’ll niver dee a strae-daith man,
T’will be baith lang an’ sair.
An’ ower yer wickit saul ye’ll find,
Nae meenisters in prayer.

An when tae hecklebirnie plowt,
Nick’s gleed tae face Paul Riddell.
Ye’ll birsle ‘n’ skoosh a month o’ muins,
Oan Mahoun’s sweltrie griddle!



Web Site by IT-SERVE © 1999 - 2017 All Rights Reserved Return to top