Coorie Doon ©

Coorie doon, coorie doon
ma bonnie, brave loon.
Lay yer heid on the banks
o' the cauld River Somme,
keep yer feet fae the wire,
sit yersel' near the fire,
then
coorie doon, coorie doon, coorie doon.

Coorie doon, coorie doon
ma bonnie, brave loon,
watch the stars shinin' doon
on the mud an' the gloom,
think o' hame wi' yer kin,
gither a' the lads in,
an'
coorie doon, coorie doon, coorie doon.

Coorie doon ,coorie doon
ma bonnie brave loon,
fer the war will tak' lives
o' some laddies too soon.
Stay awa' fae the grime,
keep yersel' oot the slime
just
coorie doon, coorie doon, coorie doon.

Coorie doon, coorie doon
ma bonnie, brave loon.
We're waitin' tae hear
that the ficht has deid doon,
an' yiv come back again
tae yer wee But an' Ben
tae
coorie doon, coorie doon, coorie doon.