HAUF A CROUN ©

He wis king o aw the siller, a well beloved loun,
When I wis a laddie, the guid auld hauf a crown.
He weighed heavy in yer pocket, he wis some serious cash,
If ye owned ane o them, man ye cut sic a dash.

He could get ye tae the picturs, tae see yer favourite flicks,
An still gie ye change ower, fir lollies, an liquorice sticks.
He wisn't any lichtweight, like the ithers in yer pootch,
The maiks, an ae the tanners, fae doon the side, o mither's cooch,

So nou we hae the euro, the dollar, an the yen,
Wae thocht up ae these silly names, dinnae ask, ae dinnae ken.
So transport me tae the fifties, and flee me doon the toun,
An stand me ootside the sweetie shop, an gie me hauf a croun.