Saddle-ma-nag ©

Kindled ma hert,
an kenilt wi flame,
I looed a laddie o’.
Wi burnin sensation
that nae guid thoucht might tame,
I looed a laddie o’.

Saddled ma pairt,
wi bit, an bridle rein,
I looed a laddie o’.
Wi wickett temptation,
loss o’ ony guid name,
I looed a laddie o’.

Lust did insert,
His riddle o’ shame,
I looed a laddie o’.
Kent, Kirk revealation,
maks me hirpled an lame,
I looed a laddie o’.

Skelpit an feart,
an burdened wi a wean,
I looed a laddie o’.
Ther’s nane in this nation,
cud tell it mere plain,
I looed a laddie o’.

Dede an inert,
wi notorious fame,
I looed a laddie o’.
To fires o’ damnation,
played tha plou-boys game,
I looed a laddie o’.