THE HARD BYLT EGG ©
Bruce Clark Dick
Their's naething as handy, as a hard bylt egg,
Ye can keep ane, in each trooser pootch, next tae yer leg.
Fir munchin, or dookin in vinegar an saut,
It's healthier, than thon fast foods, aye drippin wi fat.
Thon pizzas, spring rolls, kebabs, an aw that muck,
Ye dinnae ken whi'ts in them, is it chicken, lamb, or duck?
It's environmenetally freendly, comes wrapped in its' ane wee cocoon,
Nae poly bag, or greasy paper, tae blaw aboot the toun.