The Turncoat ©

Preachin’ frae the pulpit, wi’ his big grey beard
Hell fire an’ damnation, had congregations scared
Runnin’ tae their hooses, tae burn the graven images
Drappin’ tae their knees, an’ offerin’ up their homages

A’ the knees were knockin’, when John Knox started talkin’
The pee wis dribblin’ doon a body’s leg
When he screamed oot “Jezebel”, some wimmin ran like hell
An’ Jock McGee’s jaiket wis oan a shaky peg

Then he started oan oor Mary
For behavin’ quite contrary
He said, ‘Ye’re a whore, an idolatress’, right tae her face.
‘Ye’re a bloody abhorration on the whole human race.’

Mary’s reply was swift an’ somewhat comical
Her two index fingers pointin’ tae places anatomical
She chanted, ‘Milk, lemonade an’ chocolate.
Milk, lemonade an’ chocolate.’